“ياخي شغلهم كثير وراتبهم قليل”
هذي العبارة اللي بتسمعها أول ما تسأل مسوق ليش ما تبي تشتغل في وكالة تسويق!
طيب اللحين هل وجهة النظر هذي صحيحة أو لا.. امممم مبدئيًا خلنا نقول هالكلام صحيح نوعًا ما.. لكن فيه كم نقطة لازم نوضحها.
.هل الوكالات فعلًا ما تعطي رواتب مجزية؟
الجواب نعم غالبًا، عادة وكالات التسويق تكون حريصة على الاستدامة المالية للملاك دون الاكتراث لمرتبات الموظفين وهالشيء ينفر كثير من المبدعين الراغبين في الالتحاق بوكالات التسويق.
.هل الفري لانس مخربين السوق في الوكالات التسويقية باعتبارهم أوفر دراهم؟
نسبيًا نعم، لأن عادة المسؤولين في وكالات التسويق يبون يوفرون دراهمهم…هل فيه شيء أفضل من مرتب رخيص ومن دون تأمينات!..والكارثة الحقيقية أن هالفري لانس يقللون نوعًا ما من جودة المنتج ببساطة الأمر لا يتعلق بموضوع الاحترافية بقدر الالتزام بمبادئ الوكالة اللي تحتاج لشخص متفرغ تمامًا فيها! بشكل مختصر ومن “وجهة نظري شخصية” أقول هالكلام اللي يحتمل الخطأ بقدر ما يحتمل الصواب!
